Ultime News
SULI E NIGGHIATA

SULI E NIGGHIATA

E’ ura ma finimu mi si ciangi

sonati ssi tambura “danci, danci”

a xiacca d’arba e simu a lu domani,

TRIMILA a la cunta di li mani.

Trimila nchì nesciu e dissi: “Sì!”

E nui?… Restammo suli e sai pecchì?

Pecchì la manu sula à lavuratu

lu ciriveddhu a spassu à jocatu !

Lu ventu ndi portau aundi vozi

e nui arretu arretu e tanti voti

lu suli nd’abbrisciu sempri luntanu

e lu parrari ntìsu sempri stranu

Lu ventu ndi portau aundi vozi

e nui arretu arretu e tanti voti

è ura ma finimu mi si ciangi

cumbiamundi se nò…nò nò… non mangi.

 

 

Pecchì a Milanu o a Torinu, ddhà nc’è sempri la nigghiata

ma na vita raffinata, si trovagghia e nc’è rrìmuru

E nui simu e simu assai e lu ventu è unu sulu

si ndi porta lu profumu e campamu i chistu ccà?

Terra… oh terra mia, vrazza sulu pe ttìa.

Eu ti vorrìa smoviri tutta, e mi moru poi ccà ssùtta

eu ti vurrìa dari a me vita, mi ti fazzu a megghiu zzita.

 

Pensu sempri a lu lavuru

pensu sempri a ddhà nigghiata

ch’è ddh’àssupra e ddhà s’arresta

ccà non cala e mai è FESTA!

 

 

Tratto da: POEMA CALABRESE di Mario Bagalà

 

Articolo curato da:

Rocco Balzama

Ethical & Growth Hacker | Blogger | Developer | Graphic & Web Designer | Consulent IT | Copywriter | SEO Specialist | CEH Certified

Articoli correlati